موضوع: تورتة البابا بالشراب بأحدث الصور من مطبخ tayssier السبت أغسطس 13, 2011 2:37 am
[size=16]وحشتوووووووووووونى كتيييييييير ياقمرات
علشان انا بقالى كتيييييير منزلتش اكلة فى القسم ده اللى بحبه اوووووووى
من غير رغى وازعاج لكم ندخل فى الموضوع على طووووووول
انا المرة دي حقدم تورتة البابا بالشراب بطريقة ابلة نظيرة بتاعة زماااان
ولكن طبعا بعميلى وكمااااان بتصويرى وكماااان بإطاراتى اللى حولين الصور
هههههههههههه
بس وحياتكم ماتنسوش التقيييييم
ندخل فى الجد بقى
ونقول ألووو .. قصدى ونقول
بسم الله الرحــــمن الرحـــــــــــــيم
[size=21]المقادير والمقادير سهلة خالص ومتوفرة فى كل بيت :
4/1 كيلو دقيق كيس خميرة بيرة من 3: 4 معالق كبيرة زبدة 4 بيضات كبيرة معلقة مسطحة سكر سنترفيش 3 معالق كبيرة ميه دفية
الطريقة
- نحط السكر السينترفيش على الخميرة البيرة ونقلب لحد لما تسيل وبعدين نضيف لها الميه الدفية - نحط 4/1 الدقيق فى إناء ونعمل حفرة فى الوسط ونصب فيها الخليط السابق المكون من السكر والخميرة والميه - ونقلب الخليط ده من الحفرة للخارج حتى تتكون عجبنة سايلة ، وحنلاحظ فيه شوية من الدقيق لم يختلط بالسايل نتركه كما هو حولين العجينة اللينة كما فى الصورة (1) - وبعدين نحط الإناء ده فى مكان دافى بعد طبعا تغطيته حتى تتكاثر الخميرة وتعلى
الصورة (1)
- نضرب الزبده كويس جداا جداا بالمضرب الكهربائى حتى تصبح زى القشدة، وبعدين نضيف لها الدقيق الباقى (4/3 المقدار) والبيض تدريجيا مع التقليب الجيد حتى ينتهى مقدار الدقيق والبيض - نضيف بعد كده العجينة المتخمرة ( اللى عملناها فوق ) الى هذا الخليط المكون من الزبد والدقيق والبيض ونضرب العجينة تانى كلها علشان تتوزغ الخميرة بالتساوى حتى لاتلتصق باليد او الوعاء كما فى ( الصورة2)
الصورة (2)
- يدهن قالب البابا (القالب المستديرالمجوف من النص ) كما فى الصورة (3) بالسمن او الزيت الدافى وبعدين نرش خفيف شوية دقيق ، وبعدين نحط العجينة فى القالب ده بحيث تصل لنصف او اقل من نصف ارتفاعها علشان ندى العجينة مكان للعلو والتخمير، ونضع القالب فى مكان دافى بعد التغطية طبعا حتى يتضاعف حجم العجينة
(الصورة3)
- شفتوا بعد ما تركنا العجينة تخمر عليت ازاى فى ( صورة4) قارنى بين صورة 3 وصورة 4 وشوفى الفرق فى الأرتفاع
( الصورة4)
- تخبز العجينة فى فرن حار نوعاً لمدة 15_ 20 دقيقة فى الرف الأوسط للفرن ونصحتى لكم عن تجربة حطى صينية بها ماء تحت قالب البابا - وبعد لما تطلع من الفرن وهيا سخنة تسقى بالشراب البارد( اللى حقول مقاديره تحت ) زى الصورة 5
(الصورة5)
- نتركها شوية صغيرة بعد سقيها بالشراب فى القالب ثم نقلبها فى طبق التقديم زى ما فى الصورة 6
(الصورة 6)
- والصورة الأخيرة ( الصورة 7 )فى طبق الضيوف وبالصحة والهنا
على فكرة المفروض ان بعد تورتة البابا ما تقلب فى صينية التقديم ، يملأ الفراغ اللى فى النص بالكريمةالمخفوقة والفرولا ، ويجمل البابا باللوز وبوردات الكريمة المخفوقة ويقدم باردا وده بيحلى منظرها اووووووى وبتبقى كأنها جاهزة من بره بس ياخسارة انا لما عملتها ماكنش عندى الحاجات دى أهىء أهىء أهىء
