اول حاجه طبعا هنحط البصل مع الطماطم المقطعه والفلفل والتوابل مع بعضها وندعها كويس وبعدين نحط عليها اللحمه المسلوقه شويه وشويه شوربه من بتاعه سلق اللحمه ونسيبها على النار من فوق تغلى غلوتين
بالشكل ده
وبعدين هنحمر لسان العصفور فى طاسه لوحده مع زيت او سمن ونضيفه على الخليط السابق
ونصبه فى الطاجن الفخار ولازم الطاجن البلدى ده يا جماعه لانه هو الى بيدى الطعم المميز وهو رخيص جدا ومتوفر فى كل مكان وطبعا احنا محطنهوش على النار من فوق الاول علشان مش بينفع يتحط على النار مبباشره لانه ممكن يتكسر لكن فى الفرن عادى مش بيجراله حاجه هيبقى كده وندخله الفرن علطول وكل شويه لو لاقيناه شرب المايه بتاعته نزوده من شوربه سلق اللحمه الى عندنا لغايه ما لسان العصفور يستوى والوش يحمر كده وده شكله فى طبق التقديم وده من قريب
يا رب يعجبكم ورمضان كريم
يوضع السكر فى وعاء على النار مع التقليب الخفيف على فترات حتى يكسب اللون الذهبى الغامق . ويصب فى الوعاء المراد العمل فيه حتى يبرد . مقادير الكريم : نصف كيلو لبن . عدد3بيضات . معلقتان كبيرة سكر لتحلية اللبن فقط أى حسب الرغبة . قليل من الفانيليا . الطريقة : يتم غليان اللبن مع السكر والفانيليا وبعد أن يبرد قليلاً يضاف البيض مع التقليب السريع الجيد . وبعدها يصب الخليط على الوعاء الذى صبت فيه الكراميل من قبل ويوضع فى وعاء أخر أكبر . ويصب ماء فى هذا الوعاء وذلك الحمام المائى حتى لاتحرق الكراميل فى الفرن ولمدة 30دقيقة وبعدها يترك حتى يبرد ويقلب فى طبق التقديم .
الكريم كراميل طاجن لسان العصفور باللحمه من مطبخى بالصور
